Monday, June 13, 2016

ඔර්ලන්ඩෝ තුවක්කුකරුගේ දෙවැනි ව්‍යවස්ථා සංශෝධනය

1700 ගණන් වල ලෝකෙට හිතාගන්න බැරි බ්‍රිලියන්ට් ව්‍යවස්ථාවක් හදාපු ඇමරිකන් කාරයට එක පාරට ප්‍රශ්නයක් එනවා. අපි බ්‍රිතාන්‍ය ඒකාධිකාරයට එරෙහිව කැරලි ගහලා දැන්අපේ ජනතා අභිලාෂමත රට පාලනය කරනවා. දැන් මේ පාලනය දවසක ඒකාධිපතියෙක් වෙලා ජනතා විරෝධී වුනොත් මොකද කරන්නේ. අපි අපේම පාලනයට එරෙහිව මිනිසුන්ට කැරලි ගහන්න ඇති අයිතිය සුරක්ෂිත කල යුතුයි.

ඔන්නඔහොම හිතලයි ඔවුන් ගෙන එන්නේ දෙවැනි ව්‍යවස්ථා සංශෝධනය. එනම් මිනිසුන්ට අවිදැරීමේ අයිතිය. මේක මාර ලොජිකල්. 1770 ගණන් වල ගන් තුවක්කු දරාපු "නිකම් බුවාලා" තමා බ්‍රිට්ට ව එලෙව්වේ. ආයිත් මේකුන් පිස්සු කෙලියත් ඒ ආකාරෙටම වැඩේ ඉවර කල හැකි.

එහෙම හිතපු ඇමරිකන් කාරයා සියවස් දෙකකදී ලෝකෙන් බාගයක් දවා හළු කල හැකි න්‍යෂ්ටික අවි පවා හදලා ඉවරයි. අහසේද මුහුදේද අභ්යවකාශයේද ඌට උඩින් යන යුද බලයක් නැහැ. මේක එහෙම නොවේ කියා හිතන පිස්සු එකාධිපතියෙක්වත් දැන් ලෝකේ ඉතුරුවෙලා නැහැ.

විහිළුව නම් මේ අසමසම යුද බලය සහිත ආණ්ඩුව පිස්සු කෙලියොත් කියලා තාම උන් "ගන් තුවක්කු" දැරීම් නිදහස මේන්ටේන් කිරීම. දැන්ඔය ඇමරිකානු අවි දැරීමේ නිදහසෙන් ලබා ගත්තු රයිෆල් වලින් හදිසියක් ආවොත් ගහල අල්ලනවා වයිට් හවුස් එක. එහෙමයි මේක ලොජිකලි කියවෙන්නේ.

දෙවැනි සංශෝධනයේ විසුලුකාර වර්තමාන ස්වරූපය ඕකයි. ඇමරිකන්ව්‍යවස්ථාව අතිශයින්යල්පැන ගිය එකක් බවට පත්වෙන්නේ ඔතනින්.

එහෙම නෙවි අපි කියන්නේ අපි මානව නිදහසේ උපරිමය අපි මානවයාට අවිදරන්න ඇති නිදහස පවා සුරකිනවා. එහෙමත් හිතන මිනිස්සු ඉන්නවා. හැබැයි ඒ කතාවම ඔක්සිමොරනයක්. අවි දැරීමේ "නිදහස" දුන්නු ගමන් වෙනත් බොහෝ නිදහස් මිනිසාට අහිමි වෙනවා. එබ්‍රහමික ආගමික අන්තවාදියෙක්ට අවි දරන්න "නිදහස" දෙන තැනක සමරිසියන්ගේ නිදහස උල්ලංඝනය වෙන්න ඉඩ තියෙනවා [නිකමට කිව්වේ මේ පෝස්ට් එකට ලොකු සම්බන්ධයක් නැහැ] කොටින්ම අවි දැරීමේ "නිදහස" කියල දෙයක් නැහැ. ඒ "නිදහස සීමාකරගැනීමේ" ම්ලේච්ච ක්‍රමවෙදයක්.

අනික ඉතින් අවුලකුත් නැහැනේ. දැන් රාජ්‍යය කරන දේ වැරදි නම් ඊට එරෙහි වන්න තමා ජනයාට අවි දරන්න නිදහස් දුන්නේ. ඉතින් ජනයා කිව්වම එකමතයක නැහැනේ. එක එක "ජනයා" හිතන්නේ එක එක තාලෙට. ඒ අතර ඉන්න ඇමරිකාවේ ම උපන්න ඔමාර් මටීන් කියන පුද්ගලයා හිතනවා රාජ්‍යය කරගෙන යන විදිහ වැරදියි කියලා. ඔහු එය වෙනස් කරන්න ඔහුගේ "අවි දැරීමේ" නිදහස භාවිතා කරනවා.

බැලුවම මේ සෙකන්ඩ් අමෙන්ඩ්මන්ට් එක අප්හොල්ඩ් කරපු අවස්තාවක්නේ.

සාදු කියන්න පින්වතුනි, ව්‍යවස්ථා රාජයාට නමස්කාර කරන්න